Сіздерді Қазақстанның экономикалық және саяси өміріндегі өзекті мәселелерді талқылауға арналған стратегиялық бастамалардың Форумына шақырамыз. Іс-шара 2022 жылдың 16 қарашасында Rixos President Hotel залында (Астана қ., Қонаев көш. 7) өтеді.

Биылғы жылдың басты тақырыбы #Qazaqstan2029 болмақ. Негізгі пікірталас алаңында қазақстандық және халықаралық спикерлер алдағы «жеті жылдық» президенттігіне қатысты жаңа Қазақстанға бірінші кезекте қандай қадамдар мен реформалар қажет екендігі туралы өз ойларын ортаға салады.

Талқылауға мемлекеттік органдардың, ұлттық компаниялардың басшылары, ірі бизнес өкілдері, қоғам және саяси қайраткерлер, сондай-ақ экономика, саясат және басқа да сала мамандары қатысады. Форум-2022-нің негізгі шақырылған қонақтарының бірі:

- 2015 жылдан бастап Харрис атындағы мемлекеттік саясат мектебінің (Чикаго университеті) профессоры, британдық экономист және саясаттанушы, ал 2004-2015 жылдар аралығында Гарвард университетінің профессоры Джеймс Робинсон, сондай-ақ «Почему одни страны богатые, а другие бедные» (Why nations fail) кітабының автор бірлестігі болған.

- «Чёрный лебедь» (2007 ж.) және «Рискуя собственной шкурой. Скрытая асимметрия повседневной жизни» (2018 ж.) экономикалық бестселлерлердің авторы, американдық экономист, жазушы Нассим Талеб (Форумда онлайн-спикер ретінде қатысады).

«Біз 2029 жылдарға қарай болашақ Қазақстанның келбетін көз алдымызға елестеткіміз келеді – алдағы 7 жылда мемлекет қалай өзгеретінін, ішкі және сыртқы тәуекелдер елдің даму траекториясына қалай әсер ететінін талқылап, жүзеге асырылуы қажет ең маңызды реформаларды және олардың қалай іске асырылуы керектігін анықтау.

Біз шешім шығаратын тұлғалардың халық тілегіне құлақ түріп, 7 жыл ішінде мемлекеттің қалай өзгергенін қалайтындарын түсініп, сондай-ақ керісінше қоғам ел қалай өркендей алады, даму жолында қандай мүмкіндіктер мен кедергілер кездесетінін ескерсе екен дейміз», деп Форумның ұйымдастырушысы және CSI стратегиялық бастамалар Орталығының аға серіктесі Олжас Худайбергенов өз ойын білдірді.

Сондай-ақ форумға қатысатындар:

ҚР Президенті Әкімшілігі Басшысының бірінші орынбасары
Тимур Сүлейменов;

ҚР Сауда және интеграция министрі
Серік Жұманғарин;

ҚР Ғылым және жоғары білім министрі
Саясат Нұрбек;

ҚР Цифрлық даму, инновациялар және аэроғарыш өнеркәсібі министрі
Бағдат Мусин;

Freedom Holding Corp-тың мажоритарлық акционері, негізін қалаушы
Тимур Турлов;

RG Brands басшысы
Қайрат Мажибаев;

«Атамекен» ҰКП Төралқа төрағасы
Райымбек Баталов;

Әлемдік экономика және саясат институтының (ӘЭСИ) директоры
Ержан Салтыбаев;

Қазақстан стратегиялық зерттеулер институтының (ҚСЗИ) директоры
Еркін Тұқымов;

ҚР Стратегиялық жоспарлау және реформалар агенттігінің Төрағасы
Әсет Ерғалиев;

Қазақстан халық партиясы төрағасының орынбасары, «Талап» қолданбалы зерттеулер орталығының директоры
Рахим Ошақбаев;

Стратегиялық бастамалардың Форумы - бұл ел дамуының мәселелерін ашық талқылауға, тәжірибелік шешімдер мен жаңа «өсу нүктелерін» іздеуге арналған пікірталас алаңы.